Hapitan dosyentos nga mga NHA housing units ang napasigaan sa San Antonio Village, Brgy. Villa Enage, Biliran sa gipahigayon nga Switch-on and Energization Ceremony niadtong 23 February 2021, sa alas dos ang takna sa hapon didto sa covered court sa nahisgutang barangay.
Ang maong kalihokan gitambongan nila Mayor Grace J. Casil inubanan sa pipila ka mga konsehales sa Biliran. Nagpakita usab og suporta og ningtambong ang representante sa 2nd district sa probinsya nga si SP Member Charlie Chan.
Si Governor Rogelio J. Espina, pinaagi sa iyang representante nga si Mr. George Plecerda nga iyang executive assistant, mipadangat sa iyang kalipay sa kalampusan sa maong proyekto ug mapasalamaton sa tanang mitabang ug naningkamot aron mahitabo ang maong proyekto.
Ang mga opisyales sa Brgy. Villa Enage nga gipangulohan ni Punong Barangay Florentino S. Sabanag, Jr. kauban ang mga kapulisan sa Biliran Police Station, aktibo usab nga mitambong aron masiguro ang pagsunod sa health protocols sa mga benepisyaryo pinasubay sa mando sa lokal nga IATF.
Gipangunahan nila GM Gerardo N. Oledan, BILECO Board President Salvacion C. Jornales, SP Member Charlie Chan, Mayor Grace J. Casil, Mr. Richie Garcia, Mr. George Plecerda, ug sa mga municipal officials ang pagpindot sa switch-on board nga nagsimbolo sa pagpasiga sa San Antonio Village.
Si GM Oledan, sa iyang mensahe, nagpahinumdom sa mga MCOs nga maging responsable sa paggamit sa ilang kuryente. Kung naa may masinati nga mga pagkapalong o unsa pa man nga emergency kabahin sa ilang linya sa kuryente, mutawag dayon sa mga hotline numbers sa BILECO aron dali kini nga marespondean.
Matud pa ni Mayor Casil inisyal pa lamang kini nga mga benepisyaryo nga naapil sa pagpasiga kay ubay ubay pa sad nga units ang wala mapuy-i sa mao nga housing site.
Sa maong higayon usab usa matapos ang seremonya, gipadangat sa BILECO ang katuyuan mahitungod sa NCECCO ug ang pagpa-miyembro sa maong organisasyon nga kabahin gihapon sa programa sa MCOempowerment.
Facebook link: https://www.facebook.com/bilecoofficial/posts/1877856605713566
