Malampuson ang Oplan Power Task Force Monitoring Election 2022 na gipahigayon sa BILECO sukad niadtong Mayo 5. Sa report sa buhatan, aduna lamang pipila ka mga lugar sa franchise area ang nakasinati og momentary nga pagkapalong sa linya kay dali kini nga narespondean sa mga warriors of light.
Wala usab nasinati nga aberiya sa mga voting centers tungod kay gibantayan man sa atong mga crew on duty ang linya. Apan sayo nakasinati ang tibook franchise area og momentary & unscheduled interruption sa linya sa NGCP sa adlaw human ang eleksiyon. Maayo nalang nga nahuman na ang canvassing sa mga balota sa gabii pa lang sa Mayo 9 alang sa probinsya sa Biliran.
Ang buhatan padayon pa gihapon sa pagbantay sa linya og reporting ngadto sa National Electrification Administration kon NEA kutob karung adlawa, Mayo 12, 2022. Kini aron masiguro nga walay aberiya sa final canvassing diri sa probinsya og pagpadala sa mga election returns ngadto sa Luzon for final canvassing sa COMELEC. ##
