Nahatagan og kalipay ang 166 ka mga beneficiaries human makadawat og cash assistance pina-agi sa ikalimang batch sa Pantawid Liwanag Program karong adlawa, Marso 15, 2022. Ang mga benepisyaryo nga naggikan sa pito ka distrito nakadawat ug P3,000 nga cash assistance.
Ang pay-out gipangunahan sa Department of Social Welfare and Development kon DSWD nga giulohan ni Ma. Nelia Malbueso.
Matud pa ni Executive Assistant Ann-Marie Meracap, ang Pantawid Liwanag Program gihimo isip tabang pinansyal sa mga kabus o indigent MCOs labi na karong panahon sa pandemya.
Giklaro ni Board Secretary Salvacion Jornales nga ang mga benepisyaryo niini nga cash assistance mao ang mga “poorest of the poor” o low income earners nga maoy labing naapektuhan sa krisis karon.
Mahinumdoman nga sa ninglabay nga tuig kapin 500 na ang nakabenepisyo sa pantawid liwanag program nga gipondohan sa Association of Philippine Electric Cooperatives kon APEC Party-list.
Facebook link: https://www.facebook.com/bilecoofficial/photos/pcb.2182398005259423/2182397728592784/
