40 ka mga beneficiaries ang ningdawat og libre nga housewiring materials nga adunay meter board og safety switch o plangka niadtong Enero 21, 2021 sa Kawayan District.
Gipangunahan ni General Manager Gerardo N. Oledan ang pagpanghatag ngadto sa mga benepisyaryo, kauban ang maabtikon nga Board of Director sa Kawayan nga si Dir. Wilberto C. Caridad og ningtambong usab ang Regulatory Compliance Officer (RCO) sa BILECO nga si Atty. Vonn Aurelius C. Roa.
Kini nga programa namugna pinaagi sa inisyatibo sa Board of Directors sa Biliran Electric Cooperative, Inc., diin adunay tag 40 ka mga beneficiaries sa kada distrito sa franchise area ang makapahimulos niini. Aron kini sa paghatag og higayon nga mapasigaan ang mga kabalayan sa mga miyembro-kunsomedor sa kooperatiba nga wala pay koneksyon sa kuryente tungod sa kawad-on o pinansyal nga kalisdanan.
Kini nga programa sa BILECO pinasubay usab sa programa sa National Electrification Administration kon NEA nga adunay tumong nga mapasigaan ang mga kabalayan sa kanayunan by 2022 og pagsuporta sa kawsa sa One EC-MCO Movement kung diin kauban ang Association of Philippine Electric Cooperatives o APEC sa pagkab-ot sa maong tumong pinaagi sa mga programa nga makatabang og makahatag og ayuda sa mga MCOs.
Facebook link: https://www.facebook.com/bilecoofficial/posts/1851503695015524
