Hapit 220 nga total sa NHA Housing beneficiaries sa San Antonio, Villa Enage sa distrito sa Biliran ang nitambong sa Pre-Membership Orientation Seminar kon PMOS nga gipahigayon niadtong January 20, 2021 sa Brgy. Villa Enage covered court.
Kini gipangunahan nila OIC-Member Development Officer Evelyn D. Olimba og OIC-Customer Service Representative Roland Cabillan inubanan sa CCSMO staff nga sila Christian Dave Luay ug Maridel Masibag. Gialalayan usab ni Brgy. Captain Florentino Sabanag ang panon sa katawhan arun tuhay nga masunod ang minimum standard health protocols sa maong PMOS.
Gitambongan usab kini sa LGU pinangulohan ni Mayor Grace Casil ug sa BILECO Board of Director nga si Mrs. Salvacion “Bebie” Jornales nga nagpahayag sa ilang pasalamat sa kooperasyon sa mga housing beneficiaries.
Nagpasalamat usab ang mga benepisyaryo sa libre nga serbisyo nga gihatag sa kooperatiba tungod kay dili na nila kinahanglan nga mutungha og mamasahe padulong sa BILECO main office aron sa pag-atender sa mao nga seminar, kay ang mga kawani na mismo sa kooperatiba ang nitungha sa ilang lugar sa pagpahigayon niini arun sayon og dali nalang ang pag-apply para makabitan og linya sa kuryente ang ilang mga pabahay units.
Ang Pre-Membership Orientation Seminar o PMOS usa ka requirement sa pagpangaplay og koneksyon sa kuryente nga regular nga gipahigayon sa buhatan matag semana sa musunod nga mga adlaw, oras og lugar:
- Monday – 10:00 to 11:00 AM at Cabucgayan Station Office; og 1:30 to 2:30 PM at Culaba Station Office
- Wednesday – 9:30 to 10:30 AM at BILECO Main Office (Naval)
- Thursday – 10:00 to 11:00 AM at Kawayan Collection Office; og 1:30 to 2:30 PM at Caibiran Collection Office.
Facebook link: https://www.facebook.com/bilecoofficial/posts/1850886608410566
